Moi boas a todos, xa estamos de volta!  Despois de tanta festa chega a volta a rutina, pero hoxe non foi un dia calquera xa que nada mais chegar a aula esperábannos unha chea de sorpresas e é que os Reis Magos tamén pasaron pola aula rosa do colexio da Pastora a deixarnos algúns agasallos. ¡Que emoción!

Despois de abrir os regalos estivemos charlando sobre o que fixemos estas vacacións, con quen estivemos e tamén contamos os regalos que nos deixaron Papá Noel e os Reis Magos.

Pero o día non remataba aquí, senón que aínda tiñamos que celebrar o aniversario de Hugo que cumpriu 5 anos o 5 de xaneiro.

Como podedes ver non nos faltou de nada no día de hoxe. Esperamos que este 2018 nos depare moitos mais dias emocionantes.