Temos novo proxecto: Os dinosauros.

Levamos días falando de que novo proxecto queremos iniciar, e entre todos chegamos ó acordo de estudar os DINOSAUROS.

Para comezar o proxecto recollemos unha serie de información sobre o que

sabemos sobre os dinosauros e o que queremos saber. As aportacións foron as seguintes:

¿Que sabemos sobre os dinosauros?

• Xavi: que fan ¡buaghh!
• Lia: dan medo
• Manuel: son animais.
• Hugo: Hai tiranosaurios rex, triceraptos, etc. O tiranosaurio come a todos, dan moito medo e pápanos. 
• Aldhara: os dinosauros fan pis coma nos.
• Hugo: e nacen de ovos.
• Tomás: os dinosauros pelexan.
• Lia: e xogan á pelota.
• Amy: comen.
• Lia: si, comen herba e leitugas.
• Hugo: comen carne tamén.
• Xavi: tamén comen patacas.
• Hugo: e comen libros
• Aldhara: no, comen herba
• Hugo: o triceraptos come herba. E os dinosauros tamén comen pedras por iso teñen uns dentes durísimos.
• Lia: os dinosauros non morden.
• Hugo: no, non morden pero rabuñan.
• Manuel: son moi grandes.
• Leo; si, teñen unhas patas grandes.
• Lia: corren moito
• Hugo: non, corren pouco.
• Xavi: corren a toda mecha.
• Hugo: non, corren despacio, menos o Rex que corre rapidísimo e tamén escalan as árbores.
• Hugo: pero os dinosauros xa están mortos. Morreron e convertéronse en elefantes, rinocerontes, etc.

¿Que queremos saber sobre os dinosauros?

• ¿Como nacen?
• ¿Por que morreron? ¿Fai cantos anos?
• ¿Cantas clases de dinosauros hai?
• ¿Que comen?
• ¿Por que pelexan?
• ¿Como son? 
• ¿Teñen alas, saben nadar?
• ¿Canto miden?
• ¿Canto pesan?

Unha vez recollida esta información pedímosvos axuda:

Queridas familias:

 No noso cole estamos a traballar “Os dinosaurios” (como son, o que comían, onde vivían, como nacían, como era o seu corpo, os seus nomes…) e eu quero aprender moito sobre eles.

É por iso, que necesitamos da vosa axuda para dar comezo o noso proxecto e recoller información a través de: contos, películas, revistas, internet, fotografías, papás e mamás que coñezan o tema… e así tráelo a nosa aula para poder enseñarllo os meus compañeiros e compañeiras e aprender todos xuntos. Asi pois, poñemonos a investigar!

Moitas grazas!